شعر ليبى مانك اللى غلطانه

موضوع: شعر ليبى مانك اللى غلطانه 27/07/15, 04:38 pm

الشعر الشعبى الليبى زاخر وغنى بالاشعار الجميله وهو ماوثق به تاريخ ليبيا فى زمن الاستعمار الايطالى والعثمانى
وما سبقه من الاستعمار
ومازال الشعر الليبى حتى الان له صداء فى النقد والتعبير عن الحب ويعتبر مثل الخاطره

اخترت لكم اليوم هذه القصيده اتمنى ان تنال رضاكم

يقول الشاعر
مــانــك الــلــي غـلـطـانـه............... حسك رقيق و شفرتك ليبيانا.. ليش طالبه؟
رنــــه امــــع تـسـكـيــره .......................عـاده قديمـه مــا اتفـيـد بصـيـره
خلـك رزينـه مـن البنـات الخـيـره.............اللى خف عقلـه اصعـب فـى شفيانـه
وا العقـل عنـدك حالـتـه خطـيـره.................وراء كـل راجـل عاشـقـه ولهـانـه
رنــــه امــــع تـمـسـيـجـه....................اوقـات فـدوي وفـي اوقـات خديجـه
ابقـي خاطـري كاثـر عليـه وجيجـه..................جيـت ندفنـه مـا لقيتله جبـانـه
انا الـرن عنـدي مـا ايجيـب نتيجـه..............والقلـب ذايـب فـي غـرام افـلانـه
سكـبـتـى ادمــــوع غــزيــره...................كسـرة الخاطـر مـا لـهـا تجبـيـره
و راهى المحبـه فـى نظيـف السيـره............اللـى سيرتـه سـادت علـى جيرانه
ناالحـب عنـدك منهـزم مـا انديـره...............نـأسـف علـيـه و تغطـيـه تعبـانـه
مـانــك الــلــى عـصـرانــه...................الا العـيـب لا ايجيـنـا ولا يوطـانـا
اربايـة ضنـا الاجـواد قـل زمـانـه................وانـتـى ابنـيـه للـغـلا جـذرانــه
خطـاء شيـن ديرتنـا لـهـن ليبيـانـا...............بعشريـن شفرتـهـا تـحـط ضنـانـا
كــاثــر عـلــيــا رنـــــك.......................يـا معنسـه يـامـا صغـيـره سـنـك
ســوال النـبـى بالله قـولـى كـنـك.................عـنـدك علـيـا غــل والا افتـانـه
شـوفـى اعمـالـك ويــن بيـودنـك................زعـم تعقـلـى والا اتـجـى ندمـانـه
مــانــك الــلــي غـلـطـانـه.................. حسك رقيق و شفرتك ليبيانا

ليش طالبه؟

( الشعر منقول ) مع تحياتي

جميلة جدا هذه الكلمات

صح لسان الشاعر وسلمت ايادى الناقل

وشكرا لك على المجهود الذى تبذله

تقبل تحياتى

كم هو جميل الشعر الشعبى الليبى
يعطيك العافيه

صح نبضك وسلم احساسك
الله يعطيك العافيه
تحيتي

» [تم الحل]قول اللى تبى تقوله ( مليون رد )
» شعر ليبى من غير سبب
» شعر شعبى ليبى
» شعر ليبى حقي عليك انخاف
» شعرشعبى ليبى مانغصبها