شعر يافاقد ماالدنيا غالي

كلمات اصايل النجع

يافاقد ماالدنيا غالي ... حالك حالي ... حتى نا فاقد عقّالي

يا فاقد كيفك كاميها ..كى نطريها .. ريحة عــــــقّالى ماقيها
يـــدّردر ويبان عليها .. نص الليالى ،، تقف...ز مشغوله وتشالى

يافاقد مـن كان احذاك .. وضاع زهــــــاك .. تعالي انشالي نا واياك
الحاله وحده ما ايغباك ... امعاك اولالي .. تشلالي وانجيك انشالي

يافاقد غالى تبكيلى ،، كى تشكيلى .. نبكيلك ويـحــوس دليلى
نقسم فيه ثلاثه ليلى .. فى معدالى .. سارح بين افـكار خيالى

فاقد ياسالم من داري .. نــاس اكباري ... كــانو جلاّيين جضاري
زامط نار وكامــي ناري .. ضاق مجالي ..غابو غاب علي دلالي

يافاقد عقال احـــــكيبه .. جيب سريبه .. نبكيلك مـــــا فيها غيبه
لا هى سيّات او لاعيبه ..ناس عوالى ..كانو صيت اتقول اهلالى

يافاقد نشكي مــن ياسي ... غابو ناسي ... وانا رافـــع بيهم راسي
كاس الموت كسر ترباسي .. حل إحبالي .. تمن يسفن في ارمالي

فاقد يامحسن عــــازاتى .. فــاقد باتى .. كيفك ديمه بيه انهاتى
عطشانه حسيت وطاتى .. فيت العالى .. يسقيها ما عندى والي

نا فاقد كـــوز وكم كوز .. اثقال الــروز .. بعدهم يالنظار ايـــــــجوز
ابكاء عامات اقهار وعوز ــ وحزن ايوالي ــ يانا يابــــــــوي ويا خالي

يا فاقد كيفك نا فاقد .. مانى راقـــد .. نص الليل اتجى اتـــــوّاقد
يحدر م الماقى متعاقد .. يا موّالى .. ياس عطيب امغير ايصالى

يا فاقد لجواد خذتّم .. مــــــــوت فنتّم .. غاب زهاي امـــــعا غيبتّم
وين انجول علي إجلوتم ..يستحلالي ..صوت ابكاي هضاك العالي

رحم الله غواليها وغواليك
انتقاء رائع جدا
تقبل تحياتى

كلمات جميله رغم ماتحمله من حزن
تسلم على روعه النقل والاختيار
دمت بخير

انتقاء مميز

تسلم يدينك