يااااااااااااااااااااااااااااااااااا صااااااااااااااااااحبي

ﻳﺎ ﺻﺎﺣﺒﻲ ﻭﺩِﻱ ﺍﻣﻌﺎﻙ ﺍﻧﺨﺮِﻑْ
ﻣﻠﻴﺎﻥ ﺧﺎﻃﺮﻱ ﻣﻠﻴﺔ ﻏﺪﻳﺮ ﺍﻣﻄِﺮﻑْ
ﺍﻋﻘﻴﻞ ﺍﻋﻄﻴﺐ
ﻭﻣﺎ ﺗﺠﻴﻲ ﻏﻴﺮ ﺍﻟﻠﻲ ﺍﻟﺮﺍﺱ ﺍﺗﺸﻴﺐ
ﺍﻟﻠﻲ ﺗﻮﺯﻧﺎ ﻣﻴﺰﺍﻥ ﻣﻮﺵ ﺍﻗﺮﻳﺐ
ﻭﻳﻄﻠﻊ ﻋﻄﻴﺐ ﺍﻣﻌﺎﻩ ﻛﻲ ﺗﺼﺮَﻑْ
ﻻ ﺗﺮﺍﻓﻘﺎ ﻻﻋﺎﺩ ﺇﻳﺠﻴﻚ ﺍﺣﺒﻴﺐ
ﻣﻦ ﺣﺎﺷﻦ ﻋﻤﻞ ﺭﻭﺣﺎ ﺧﻮﻳﻞ ﺍﻣﺘﺮَﻑْ
ﻳﺎﻣﺎ ﻓﻘﺪﻧﺎ ﻣﻦ ﺭﻓﻴﻖ ﺍﻳﺨﻴِﺐْ
ﻛﺮﻳﻢ ﻭﺟﻪ ﻳﻨﺪﻱ ﻣﻮ ﻋﻄﻴﺐ ﺍﻣﺠﺮِﻑْ
ﻳﺎ ﺻﺎﺣﺒﻲ
*****
ﺍﻧﺮﻳﺪ ﺣﻜﺎﻳﺎ
ﺍﺗﺤﻴﺪ ﺟﻀﺎﺭ ﺍﻟﻌﻘﻞ ﺣﻴﻞ ﺍﻟﻐﺎﻳﺎ
ﻭﻧﺠﻴﺐ ﺍﻟﺒﻌﻴﺪ ﻗﺮﻳﺐ ﻓﻲ ﺳﻬﺮﺍﻳﺎ
ﻭﺗﺴﻤﻊ ﺟﺪﻳﺪ ﻣﻊ ﺳﻬﺎﺭﻱ ﺷﺮِﻑْ
ﻣﻴﻂ ﻡ ﺍﻟﻌﺮﺏ ﻣﺎ ﻳﻌﺮﻓﻮﺍ ﺍﻣﻌﻨﺎﻳﺎ
ﻭﺟﻤﻠﺖ ﺳﻬﺎﺭﻳﻬﻢ ﺍﻟﻌﻘﻞ ﺍﺗﻘﺮِﻑْ
ﻻ ﻧﺮﻳﺪﻫﻢ ﻻﻳﻘﻌﺪﻭﺍ ﻳﺎﻻﻳﺎ
ﻭﻧﺎ ﺩﻳﻤﺎ ﺍﻣﻌﺎﻫﻢ ﻉ ﺍﻟﺨﻄﺎ ﻧﺸََﺮَﻑْ
ﻭﻻ ﻳﻨﻬﻀﻮﻙ ﻭﻻ ﺑﻬﻢ ِﻋﻨﺎﻳﺎ
ﻛﻴﻒ ﺍﻟﻨﻌﺎﺝ ﺍﻟﺮﺍﻛََﺎ ﺍﻟﻬﻜﺮَﻑْ
ﻳﺎ ﺻﺎﺣﺒﻲ
**
ﻏﺪﻳﺮ ﻓﻲ ﻣﺼﻠﻮﺑﺎ
ﺑﻌﻴﺪ ﻡ ﺍﻟﻌﺮﺏ ﻛﺎﺗﻒ ﻋﻠﻴﻪ ﺍﺷﺒﻮﺑﺎ
ﻓﻮﻕ ﻡ ﺍﻟﻄﻮﺍﺭﻱ ﻋﺬﻭﺗﺎ ﻣﺼﺒﻮﺑﺎ
ﻣﻠﻴﺎﻥ ﻧﻴﻦ ﺍﻟﺠﺎﻟﺘﺎ ﻳﺬَﺭَﻑْ
ﻻ ﺭﻭﺩﺍ ﺭﻭﺍﺩ ﻋﻠﻲ ﻣﺮﻛﻮﺑﺎ
ﻭﻻ ﺟﺎﻩ ﻭﺍﺭﺩ ﺑﺎﻟﻘﺰﺍﺣﺎ ﻏﺮَﻑْ
ﻣﻦ ﻗﻞ ﺍﻟﻤﻤﺎﺳﻚ ﺣﻮﻣﺘﺎ ﺍﻣﻬﻠﻮﺑﺎ
ﻓﻲ ﻭﻃﻦ ﺧﺎﻟﻲ ﻣﺎ ﻋﻠﻴﻪ ﺍﺗﻌﺮِﻑْ
ﻳﺎ ﺻﺎﺣﺒﻲ
****
ﺍﻧﺮﻳﺪ ﺳﻬﺎﺭﻱ
ﻓﻲ ﻭﻃﻦ ﻣﻨﺒﻮﺗﺎ ﺭﺗﻢ ﻭﺍﺟﺪﺍﺭﻱ
ﻭﺗﻠﻘﺎ ﺍﻟﻌﺰﻳﺐ ﻣﻌﺎ ﻣﺤﺎﺱ ﺣﺒﺎﺭﻱ
ﻓﻲ ﺭﻕ ﺳﺎﻫﻞ ﻣﻮﺵ ﺣﻴﻂ ﺣﺠﺮَﻑْ
ﻭﻳﺒﻘﻲ ﻋﻠﻴﻚ ﺍﻟﺰﻭﻝ ﻣﻮ ﻣﺘﻮﺍﺭﻱ
ﻃﻮﻝ ﺍﻟﻨﻈﺮ ﻓﻮﻕ ﺍﻟﺴﺮﺍﺏ ﺍﻣﺤﺮِﻑْ
ﻫﺎﻧﺎﻙ ﻳﺒﻘﻲ ﻣﻨﻌﺪﻝ ﻣﺸﻮﺍﺭﻱ
ﻭﺗﺎﺧﺬ ﺳﻬﺎﺭﻱ ﻓﻲ ﺟﻮﺍﺏ ﺍﻣﺰﺭَﻑْ
ﻳﺎ ﺻﺎﺣﺒﻲ