موش نا اللي نكبر بدور غلاك .. وموش نا اللي نصغر انكان جفيت
انكانك نقصت انشيل من يالاك .. كمين صوب بيته ع الوطا واطيت
لو كان غير ياجافي الله هداك .. راك لجفايا ما نهار سعيت
علي مهلك وارعا مرتين بداك .. ماعمر دمعي للعرب وريت
وحط في احسابك ياعزيز وهاك .. حجايج افهمهن لك بهن وديت
مانريد نقضي عمر في مرجاك .. ان جيت مرحبا وكانك مشيت مشيت
وحق من خلقني وهو اللي سواك .. عزيز نفس لا ناقص عرب لاصيت
اوهمت كان تحسابني نموت بلاك .. عايش وقبلك راه واجد ريت
مابينا غيبه اتجي لولاك .. ومانعطي فيك امغير في عطيت
قضيت عمر نجريلك نريد وفاك .. لكن بعيبك جيت بيه اقسيت
اخترت الخطا بيدك بطوع رضاك .. ون احرمي ياني ياعزيز شريت
ا حجر ودسه مانريد دواك .. منك ومن دور الغلا سديت
اليوم كل شي درته علي سباك .. عدا هبا منثور ماعديت
اربح يسهلك الله أخطاك .. صفحت سريبك م الكتاب طويت
اللقب الاظافى
المساهمات
موضوع: موش نا اللي تكبر بدور غلاك 
18/04/15, 03:08 pm
