وسط البحر حقي عليك انخاف
لاجل امعايا ماسكه مجداف
حقي انخاف عليك ............
منك وماللي يجبدو طاريك
حتى لوعطيتي ثيقتك بيديك
ساعة طرب لاي هدرزة لاي قطاف
من يوماً الكلمة الصافية تكفيك
وتبقى لهمك والسعد نشاف
خوذيها هدية كل يوم اتجيك
وبيها انزيدك عالعفاف عفاف
مسع فهمني فالعرب خاطيك
نورتي ربيع العمر بعد اصياف
عطيني محبة صافية نعطيك
ونادي ان شالنك ابحور ارياف
تلقيني احلام ونور بلياليك
نين خاطرك حلو الكلام ايعاف
ويلزم العقل اصيام كان نسيك
لاجل مشيتي به ادروب انظاف
وكانك حفظتي العهد وامباديك
يبقى علي طول الزمان اسعاف
حتى لو عطاك الروح ما ايكافيك
دور مثيلك فالنسا ما شاف.............
الشاعر : خطاب الطيب خطاب